تعلمى فن واصول العكننة على زوجك

ازاى تخنقى جوزك

ازاي تعكننى على جوزك
دلوقتى دي فرصة لكل البنات
اللي متجوزة ازاي تعكنن على جوزها
واللي لسة مش اتجوزت ازاي تعكنن
على اي راجل في البيت
يعني اخوها ..ابوها
جوز اختها المهم راجل والسلام
طبعا انا مش هحذر من اي حاجة
هتحصل للبنات
لأنهم دايما الطرف الأقوى


ازاى تخنقى جوزك ؟؟؟

الطريقة الأولى ...

** عند التلفزيون **

من المعروف دايما أن البرنامج المفضل لدى الرجل هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... لو شفتيه في قمة الحماس والتركيز يعني مثلا لو حصل زلزال وهوا مش حاسس او انفجرت قنبلة وراه وهوا ولا هنا اعملي كدا ... اعملي نفسك ساعتها ( ست البيت النشيطه ) وجيبي منظف الزجاج مع الفوطه .. ويلا يا مسح..وهاتك يا نضافة.. ترشي الشاشه منظف وامسحي بحركه دائريه على الشاشه وحاولي انك مش تخليه يشوف
( ودي اهم حاجة )


ولو قالك ابعدي قولي : مش فاضيالك... بامسح وانظف ..
طبعا مع البصة الي تفرس بتاعه كل بنت


ثانيا...

هاتي بعد كدا المكنسه الكهربائيه في المكان اللي هو موجود فيه وابدأي بالكنس وحاولي من لحظه للحظه تكنسي قدام التلفزيون ولو قال : ابعدي والا هتلاقي الفازة او الترابيزة في وشك ..قولي : مش هتقدر لانك هاتضطر تجيب غيرها !!!!! بردو مع البصة المستفزة بتاعة البنات

ثالثا...

والأحسن انك تقعدي وتعملي نفسك متابعه بعدين تصوتي فجأه وتقولي : يالهوي نسيت الكيكة في الفرن وهيلا هوب من مكانك وبعدين اجري ناحية المطبخ وحاولي انك اثناء الجري تفصلي سلك التلفزيون برجلك


** عند النوم **

وأولا...

إذا زوجك بيشخر .. نكدي عليه نومه , ازاي؟؟
دخلي عليه كل اطفالكم وأطفال جيرانكم وبعدين...
اقفلي عليهم الباب ... وسيبي الباقي عليهم .
مش هيقصرو ... ماشاء الله عليهم ..

أو : إذا كان نايم ومش حاسس باللي حواليه..
تعالي وبدون مقدمات خضيه خضة تخليه
يقطع الخلف فيها ... وقولي له بكل برود :
انت نمت يا حبيبي


ثانيا...

هناك طرق أخرى لرفع الضغط أثناء النوم
وهي أخف ضررا على الطرفين ... منها :

- إطفاء المكيف في عز الحر .

- فتح ستائر الغرفه حتى يدخل ضوء الشمس المعمي للعين ..


( ويفضل عمل الفقرتين السابقتين في وقت الظهر ..)


- لابأس من إضافه بعض من قطرات الماء في الأذن .



لو شفتيه مش له خلق ومقفلة معاه مش تخافي...
بالعكس دي فرصتك تنتقمي منه يعني
اخنقي عليه ( خلي دمك ثقيل )

بس خلي بالك فى اللحظة دي من حركة ايده لان ممكن تلاقي طبق او كرسي لابس في وشك .. ولازم تكوني مجهزة نفسك بمفتاح الاوضة.. مش تعرفي ايه الي ممكن يحصل
( يا غالب يا مغلوب )

المهم..

اضحكي على شكله او هدومه او قعدته ..
اكيد هيقولك ابعدي عن وشي دلوقت انا مش عندي
خلق ليكي ,
انتي مش تسكتي قوليله :
ولو مش سكت هتعمل ايه ؟؟؟


طبعا هوا هيقوملك وهيوريكي هيعمل ايه..
انتي في الوقت ده امسكي هدومك في سنانك
واهربي على الأوضة ...
وبصى عليه من الباب وقوليله
ههههههههههههاي
اهم حاجة رفعت ضغطك وقومتك من مكانك
هههههههههههاي


***وقت الخناقة ***

لو جالك يوم وفي راسك شر وعايزة تتخانقي معاه
جهزي الحاجات دي واعملي اللي هقولك عليه

لمي شعرك كويس واربطيه او حطي عليه جل المهم
جهزي نفسك للجري

جهزي مفتاح اوضتك وياريت يكون في جيبك على طول
طول ما انتي بتسمعي كلام واحدة زيي

لو بدأت المعركه حطي راسك براسه ومش تبيني انك خايفه وحمري عينيكي وقوليله اية انت مش فاكر اني ممكن ادافع عن نفسي يا روحي وبالروسية و اديلوا طخخخخخخخخخخخخ ........

مش تستسلمي اديله بوكس على عينة الاتنين علشان مش يشوف قدامه وخدي ديلك في سنانك وهاتك يا جري

وعلى طول على اوضتك اللي مجهزة مفتاحها من قبل كده واقفلي على نفسك .. ويا دار مادخلك شر...
بس نصيحه اقعدي يومين لايشوفك ولا تشوفيه لانه عايز ينتقم لكرامته ويوريكى النجوم مش في عز الظهر بس لا دة هيوريهوملك طول اليوم ...


طبعا يا عزيزتي
عرفتي دلوقتى ازاي تعكنني على الراجل


اسيبكوا بقى تذاكروا الموضوع كويس
وتنفذوا اللي فيه بالحرف الواحد


هههههههههه

لما الحق امشى قبل مانضرب
هههههههههههههه