محاضرات مادة السلوك الانسانى لطلبة كلية تجارة الفرقة الاولى فقط فى هيبس جروب
كاتب الموضوع
رسالة
عمرى معاك
عدد المساهمات : 4424 تاريخ التسجيل : 27/08/2012 الموقع : https://hibsgroup.yoo7.com
موضوع: محاضرات مادة السلوك الانسانى لطلبة كلية تجارة الفرقة الاولى فقط فى هيبس جروب السبت يوليو 26, 2014 8:57 pm
محاضرات مادة السلوك الانسانى لطلبة كلية تجارة الفرقة الاولى فقط فى هيبس جروب
اولا مادة السلوك الانساني في الادارة دكتورة نفيسة بشري اعطت الدكتورة ملخص لما سندرسه علي مدار الترم ... و المادة مقسمة الي قسمين .. قسم تدرسه الدكتورة نفسية بشري و القسم الاخر تدرسه الدكتورة نظيمة عبدالعظيم و لكن الامتحان ورقة واحدة تضم القسمين..و سأنقل لحضراتكم كل ما فهمته و سمعته في المحاضرة
ده فهمي العام للمادة مادة السلوك الانساني تمكننا من فهم تصرفات الافراد _ في المنظمة_ و تمكننا من التعامل معهم .. يقال بأنه لو تمكننا من فهم الدوافع النفسية للأفراد فانه يمكننا التحكم بهم ( بريموت كنترول) بمعني ان لكل فرد نقطة ضعف يمكن استغلالها و نقطة قوة يمكن الاستفادة منها ... مثلا انسان المال هو نقطة ضعفه و دافعه القوي لفعل شئ .. من الممكن ان يستغله والده و يعده بانه اذا حصل علي تقدير جيد فسيعطيه 200 جنيه مثلا و كل ما التقدير يزيد الفلوس تزيد... في مادة السلوك الانساني حنتكلم عن الاشئاء التي تؤثر في السلوك الانساني للفرد و يعني ايه دافع و ازاي نستخدم الدافع د ه و حنتكلم عن العلوم السلوكية و حاجة اسمها العملية الادراكية و حنتكلم عن الشخصية الانسانية و التهديدات التي تواجه الشخصية و الوسائل الدفاعية ضدها ..مع العلم بان المادة عموما لا تختص بالطب النفسي مثلا ... لا ابدا.. لكنها تؤهلك للتعامل مع افراد المنظمة .. حتي باين من اسمها.. دي المحاضرة اللي كتبتها الدكتورة كانت عبارة عن عناوين و شرح بسيط جدا و مختصر لما يحتويه المنهج و بعض التوضيح الجانبي ليا ..
مقدمة و الفصل الاول
في بداية المنهج شرح لاهمية دراسة السلوك الانساني للافراد و اهمية ضرورة تحليل السلوك الانساني 1- المحددات الفردية او النفسية او الذاتية المؤثرة في السلوك الانساني ( و ده القسم الاول اللي بتدرسه الدكتورة نفيسة) 2- المحددات الاجتماعية او الحضارية المؤثرة في السلوك الانساني ( و ده القسم التاني اللي بتدرسه الدكتورة نظيمة عبد العظيم )
و الدكتورة نفيسة ادت مثال علي النقطة دي بان كل مجتمع و له عادات معينة فمثلا الصعايدة غالبا بيحبوا يفطروا فحل بصل و فول و بيض مسلوق و حاجات دسمة لكن الريفيين بيحبوا يفطروا خضروات و جبن و حاجات من دي لكن المدينة بيفطروا غالبا ( باتيه بالجبنة ) بشاي بلبن ... ده كمثال يعني علي ثأثير المحددات الاجتماعية علي سلوك الفرد.. و السلوك الانساني هو حاصل ضرب المحددات الفردية و المحددات الاجتماعية ( بمعني ان هناك اشياء تحدد شخصية الافراد و تؤثر في السلوك الانساني منها فردية و منها اجتماعية و كلاهما متكامل يكون السلوك الانساني)
و بدأت الدكتورة في تلخيص منهج الجزء الاول الخاص بها ( المحددات الفردية المؤثرة في السلوك الانساني) ... - اهمية العنصر البشري في المنظمة - نبذة عن هدف المنظمة ... و ربط بين هدف المنظمة و دراسة السلوك ( لان زي ما قلنا لكل انسان دافع يمكن استغلاله و لما احنا بندرس السلوك الانساني حنقدر نتحكم في سلوك الافراد في المنظمة و بالتالي تحقيق هدف المنظمة) فمثلا : لو في شركة اتصالات ( فودافون مثلا ) .. حنلاقي ان المدير مش حينفع يشغل واحد عصبي و خلقة ضيق ( و ده سلوك انساني) في خدمة العملاء لانه بكده حيتعارض مع هدف المنظمة و اللي هو زيادة عدد العملاء و تقديم خدمة متميزة.. - اهمية دور المنظمة في تحليل السلوك الانساني - مفهوم العلوم السلوكية و مجالاتها - كيف تكون علم السلوك ( دراسة السلوك الانساني يعني) و مجالاته - السلوك عبارة عن ( علم النفس + الاجتماع + الانسان ( بمعني شخصيته))
هام جدا : هناك سؤال نطرحه في نهاية كل فصل و بييجي في الامتحانات و هو ازاي نستفيد من الكلام النظري ده في الحياة العملية ....ما هي مجالات الاستفادة من دراسة و تحليل السلوك البشري ؟
الفصل التاني - المحددات المؤثرة في السلوك الانساني - الدوافع الانسانية المؤثرة في السلوك الانساني - العلاقة بين الدافع و الحافز ( ممكن تظن ان الاتنين لهم معني واحد و ده غير صحيح لان الفرق بينهم هو ان الدافع بيكون داخلي او نفسي اما الحافز بيكون خارجي زي ان والدك يوعدك بهدية لو نجحت ) - نظريات الدوافع - اهمية دراسة الدوافع بالنسبة للادارة
و السؤال المعتاد : ما هي مجالات الاستفادة من دراسة و تحليل دوافع العاملين ؟ و حنتكلم كمان عن حاجة اسمها العملية الادراكية
- تحليل العملية الادراكية للفرد * طريقة التفكير * مستوي التفكير * نمط التفكير - مفهوم الادراك , خصائصه , سماته - العوامل المؤثرة في العملية الادراكية 1- العوامل المرتبطة بالشئ محل الادراك 2- العوامل المرتبطة بالشخص المدرك
و السؤال المعتاد : ما هي مجالات الاستفادة من دراسة و تحليل العملية الادراكية في الادارة ؟
الفصل الثالث - تحليل اتجاهات الفرد -كيف تتكون اتجاهات الافراد - انواع الاتجاهات - كيف يمكن قياس اتجاهات الافراد و الجزء ده مكنش فيه شرح كتير بس اللي قدرت افهمه هو ان كل شخص له اتجاهات يسعي ليها في المنظمة فمثلا واحد اتجاهه مادي فبيشتغل عشان الفلوس .. و وحد تاني اتجاهه معنوي فبيشتغل عشان السلطة و عشان يترقي في منصبه .. و طبعا السؤال : ما هي مجالات الاستفادة من دراسة و تحليل اتجاهات العاملين في الادارة ؟
الفصل الرابع - حنتكلم فيه عن الشخصية الانسانية - مفهومها : مجموعة من السمات التي تميز فرد عن آخر - تنقسم الشخصية الي ... * جزء موروث من الاهل بنسبة 5 الي 10 % * جزء مكتسب من البيئة يمثل 90 الي 95 % - التهديدات التي تواجه الشخصية و الوسائل الدفاعية ضدها - التهديدات بالترتيب كمثال .. القلق, الصراع , الاحباط , الفشل , الاكتئاب و الدكتورة ادت مثال علي كل حاجة و قالت ان القلق هو شعور بيجيلنا بدون سبب زي مثلا قبل الامتحانات .. اما الصراع فهو اختيار بين شيئين بتحبهم او شيئين بتكرههم ..زي مثلا لما نقول للطفل اختار اللعبة او الحلويات و طبعا هو عايز الاتنين فبينشأ صراع داخلي عنده و في الاخر بيشتري حاجة واحدة بس بيبقي عينه في التانية بردو ... او مثلا فرد مش مرتاح في شغله فحد عرض عليه يقدم استقالته و بكده بقي عنده صراع بين حاجتين بيكرههم ( شغله و استقالته)............. اما بقي لو الفرد لم يتخذ قرار في الصراع ده فبيبقي عنده احباط لانه مش عارف يختار بين الحاجتين اللي سببوا له صراع ... و بيبدأ مع الوقت يحس بالفشل ( فمثلا لا عارف يشتغل و لا قادر يقدم استقالته ) ... و الفشل مع الوقت يؤدي الي المرحلة الاخيرة اللي هي اكتئاب ... -انواع الشخصيات و كيف تتعامل معها و السؤال المعتاد : ما هي مجالات الاستفادة من دراسة و تحليل الشخصية الانسانية في الادارة ؟
و بكده انتهت المحددات الفردية الخاصة بالدكتورة نفيسة و بعد كده الدكتورة نفيسة ادت ملخص كام سطر علي المحددات الاجتماعية الخاصة بالدكتورة نظيمة
- تأثير الجماعة علي سلوك الفرد - القيادة الادارية و مفهومها و انماطها هناك قيادة متسلطة , قيادة مرنة ( القائد او المدير المتسلط لا يأخذ بآراء العاملين عنده و يستأثر برأيه و يتبع نظام (فرق تسد ) فبيفرق بين الموظفين عشان ميتحدوش ضده و بيتكلم بصيغة أنا !!!.............اما القائد او المدير المرن فبيتكلم بصيغة نحن و بيقوم باستشارة العاملين عنده بل انه ممكن يتحمل الذنب عنهم و بيبقي محبوب عند موظفيه ) - الاتصالات - الروح المعنوية و سلوك الفرد - معني التفاوض - الابتكار - الثقافة و تأثيرها علي سلوك الفرد
و دي كانت نهاية المحاضرة
اما محاضرة الرياضة للتجاريين للدكتور ابراهيم مرجان فهو اكتفي بالتعريف بنفسه و اتكلم عن التعليم و اتكلم عن الانفلوانزا و مستقبل الطلبة في مصر ... و كتابه اسمه ( الرياضة و تطبيقاتها في التجارة و الاقتصاد ) و في حاجة مهمة قالها و هي انه حيعتمد علي اسلوب تفكير الطالب و قدرته علي التحليل ... يعني مش مثلا يدينا مثال علي مسألة و يجيب نفس الفكرة في الامتحان ..لكنه حيعتمد علي تحليل الطالب ..و مدي فهمه للرياضة ..
مع تحياتى
محاضرات مادة السلوك الانسانى لطلبة كلية تجارة الفرقة الاولى فقط فى هيبس جروب
موضوع: محاضرات مادة السلوك الانسانى لطلبة كلية تجارة الفرقة الاولى فقط فى هيبس جروب 
السبت يوليو 26, 2014 8:57 pm
