عدد المساهمات : 4424 تاريخ التسجيل : 27/08/2012 الموقع : https://hibsgroup.yoo7.com
موضوع: ايوة بحبك كنت هاقولها - هيبس جروب الأحد مارس 16, 2014 12:14 pm
ايوة بحبك
أيوه بحبك كنت هأقولها و أقولك تاني إني بحبك وأنتي كياني نفسي أعيش ويّاكي زماني ببقي لوحدي بحس بغربة لما بشوفك .. بلقي أماني لما بشوفك ويّا إصحابك نفسي أشيلك جوا عيوني و ببقي أناني
أيوه أشيلك جوا عيوني تفضلي دايما ليا لوحدي لما بتمشي.. يجن جنوني نفسي أزعق نفسي أنا أبكي لما بشوفك .. نفس أنا أحكي زي النار ما بتحرق فيا رغم سكوني واللي يقولي : روّق.. مالك؟ مهما ما يقولوا ومهما يلوموني هافضل شايلك جوا عيوني
لما بشوفك ماشية لوحدك ببقي نفسي لو يسبوني أجري وراكي وأقولك مالي ! إزاي حبك غير حالي بنسي الدنيا وكل الناس و أنتي لوحدك بس في بالي و أفضل أقولك ع الإحساس و إزاي بسهر ليكي ليالي نفسي أنساكي بس بلاقي قلبي يقولي .. تنسي الغالي !
لما بشوفك نفسي أقول هأفضل ساكت ..! مش معقول هو الحب جريمة في حقك ؟ طب ما أنا برده مسلم زيك مش بتسلي .. زي تجارة و زي آداب. هأجي و أقولك كتب كتاب قبل ما غيري يجي يقولك ما أنتي جميلة يبقي إزاي مالكيش خُطَّاب ولا أنا هأفضل واقف ساكت و أسيب حلمي يبقي سراب أفضل تايه كده .. في ضباب و لا أنا أكتم جوا في قلبي لحد ما أموت و أبقي تراب
بس إزاي أنا هاجي و أقولك ما أنتي عارفة عيون الناس لو في حد شافني معاكي .. يبقي خلاص سوء الظن هيبقي أساس يبقي أزاي أنا هاجي و أقولك و أسيب حد ما لوش إحساس يغلط.. ويقول كلمة في حقك حتي زمايلي .. حتي زمايلك .. لو شافوكي مرة معايا تبقي مصيبة لو مش قالوا الكلمة في وشك هيقولوها.. من ورا ضهرك
أصل الشعب بتاعنا غريب كل واحد شايف نفسه .. أنه ملاك دخل الطب .. يبقي طبيب و كمان عينه تِنّم الناس فاكر نفسه هو رقيب
كل ما أفكر أقرب ليكي أرجع تاني بيرجعني خوفي عليكي أيوه أنا فاهمك حاسس بيكي تعرفي ليه ؟ لأني .. بحبك عمري ما هأجي و أخلف ظنك
بس قوليلي أنا أعمل إيه ؟ أجي لوالدك ؟؟ طب و هأروحله .. أقول أنا إيه ؟؟ إني أنا طالب أني يا عمي بحب في بنتك و أني شاريها وجاي بطالب
بس دا عمره مهما كان إنه هيقبل .. طب إزاي و مافيش مستقبل أبسط حاجة يقولي : ما تعقل
أعمل إيه ...؟؟ طب أنا حبيت نفسي أكون ويّاكي حتي في أصغر بيت أصلي كل يوم بتمّني أبقي معاكي أصغر بيت ويّاكي دا جنة بس كفاية أشوفك جمبي يبقي عمري كله اتهّني
أيوه أنا عارف إن مقامك يبقي في قصر بس ازاي أنا أقدر و احنا في مصر يفضل يعمل ميت شغلانة واحدة الصبح .. وبعد الضهر .. وبعد العصر زي الحرب و عمره ما يلقي مره .. النصر لما ينام .. يمكن يحلم يلقي كابوس هو هأكمل بكره ازاي ؟ هو أنا هاصحي هألقي فلوس ؟؟ ولّا حتي مصباح سحري ؟؟ ولّا فانوس ؟؟؟!! أصل الغني في بلدنا.. ..بمــــــــــال بس معاكي.. راحة قلب وراحة بال هأبقي كويس ..أحسن حال بس ده لو بتحبيني ! تسيبي الدنيا وتيجي معايا مطرح قدري ما هيوديني أصل بشوقنا هَيِنَسّيكي وينسيني يومها هتبقي .. مش ع الأرض هتبقي في عيني تبقي النظرة في عينك كنز و أه ... يرضيني هأنسي الحزن وهأنسي الدمع و هأنسي أنيني أصل وجودك عامل حاجز بينه ..و بيني بس ده لو بتحبيني !!
موضوع: ايوة بحبك كنت هاقولها - هيبس جروب 
الأحد مارس 16, 2014 12:14 pm
