اضحك من قلبك مع نكت الصعايدة...تفطس من الضحك

صعايده بيلعبوا على الطريق السريع واللي تخبطه عربيه مرتين يطلع بره

ـــــــــــــــــــــــــــــــ

جورج
قرداحي بيسأل واحد صعيدي ببقوله الحج فرض ولا سنه قاله هتصل بصديق أتصل
بهريدى صديقه وقاله الحج فرض ولا سنه هريدي قاله لا الحج قرعه


ـــــــــــــــــــــــــــــــ


استضافوا
واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة


ـــــــــــــــــــــــــــــــ


واحد صعيدي حب ينتحر من الدور العاشر رمى نفسه من الخامس مرتين




ـــــــــــــــــــــــــــــــ


صعيدي فتح محل جواهرجى عمل أول يوم ببلاش


ـــــــــــــــــــــــــــــــ


صعيدي وقع في حفرة حدفوله حبل طلع مشنوق


ـــــــــــــــــــــــــــــــ


تلاتة صعايده بلعبوا على قهوة واحد قال كش ملك والتاني قال دبش والثالث راح واخد الكوتشينة وماشى


ـــــــــــــــــــــــــــــــ


صعيدي
سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى
ماشى فرحان أوى ويقول موجودين بنخلف مش موجودين برضه بنخلف


ـــــــــــــــــــــــــــــــ


صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب


ـــــــــــــــــــــــــــــــ


اتنين صعايدة بيلعبوا شطرنج الأتنين خسروا


ـــــــــــــــــــــــــــــــ


الأمريكان
والروس بيترسموا على بعض الأمريكان يقولوا أحنا أول ناس طلعنا القمر
والروس يقولوا لا أحنا أول ناس طلعنا القمر صعيدي كان واقف أضايق أوى قالهم
أنتوا لما طلعتوا القمر لقيتوا هناك إيه قالوله طوب ورمل وزلط قالهم أحنا
اللي مطالعينه


ـــــــــــــــــــــــــــــــ


واحده بتقول لجوزها الصعيدي عمرك ماقلتلى كلمه تحسسني أن أنا مرآتك قالها أنتي طالق


ـــــــــــــــــــــــــــــــ


صعيدي عايز يروح حفله تنكريه بعت أخوه




ـــــــــــــــــــــــــــــــ


جماعه
صعايده سمعوا عن اختراع أسمه السيفون حبوا يعرفوا هو إيه بعتو واحد منهم
أمريكا لما رجع قالهم أما السيفون ده حتة اختراع يا رجاله تدوس على السيفون
ويا تلحق تشرب يا متلحقش


ـــــــــــــــــــــــــــــــ


صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه


ـــــــــــــــــــــــــــــــ


صعيدي راح لدكتور بلدياته قاله يا دكتور كل أما أحط أيدي على عيني مشوفش الدكتور خرمله أيده


ـــــــــــــــــــــــــــــــ


صعيدي عمل عمليه نجحت عملها تانى


ـــــــــــــــــــــــــــــــ


عشرة صعايده بيتعلموا ربط الكرافتة 6 ماتوا و 4 في حاله حرجه


ـــــــــــــــــــــــــــــــ


الصعايده فتحوا محل بيتزا سموه بيتزا هعععععععععع


ـــــــــــــــــــــــــــــــ


صعيدي مات خبي على أهله


ـــــــــــــــــــــــــــــــ


صعيدي حب واحده أتجوز أختها علشان يضمن يشوفها كل يوم


ـــــــــــــــــــــــــــــــ


صعيدي خرج من الجيش ومعاهوش أي صنعه فتح كشك شرطه عسكرية


ـــــــــــــــــــــــــــــــ


صعيدي أشترك في من سيربح المليون لما جورج قرداحى سأله أسمك إيه طلب الاتصال بصديق


ـــــــــــــــــــــــــــــــ


اتنين صعايده بيلعبوا شطرنج الملك مات مشلول


ـــــــــــــــــــــــــــــــ


بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك


ـــــــــــــــــــــــــــــــ


صعيدي أشترى كمبيوتر شال الفارة وحط جاموسه


ـــــــــــــــــــــــــــــــ


مجموعة صعايده ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين


ـــــــــــــــــــــــــــــــ


ضبطوا 2 صعايده بيشموا أسمنت أبيض


ـــــــــــــــــــــــــــــــ


صعيدي أشترى تاكسي كل لما حد يقوله تاكسي يقوله أيوه تاكسي



ـــــــــــــــــــــــــــــــ


صعيدي
عاوز يزور فلوس جاب ورقه بعشرين جنيه وزورها بالضبط بس غلط وكتب بدل الـ
20 (18) وراح يفكها من القاهرة راح لأول واحد قاله عايز أفك الورقة دى
الراجل قاله الله يخرب بيتك زورتها إزاى وخد الورقة ومشى وأستغرب أوى إن
الراجل عرف دى مزورة منين وقال أنا هرجع البلد أفكها من هريدى ولد عمى راح
لهريدى قال لهريدى ونبي ياهريدى فك لي الورقة دى هريدى قاله والله مفيش
جنيهات تاخد ورجتين بتسعه


ـــــــــــــــــــــــــــــــ


عشرة صعايده ماشيين ورا بعض وقعوا في حفرة واحده


ـــــــــــــــــــــــــــــــ


صعيدي خلع العمة فقد الذاكرة


ـــــــــــــــــــــــــــــــ


صعيدي أشترى موبايل ركبله جهاز إظهار رقم الطالب


ـــــــــــــــــــــــــــــــ


صعيدي أشترى عربيه هيدروماتك قطع رجله الشمال


ـــــــــــــــــــــــــــــــ


صعيدي أتفرج على إعلان مارلبورو تانى يوم راح أشترى حصان


ـــــــــــــــــــــــــــــــ


صعيدي جاى ينزل من باب العربية لقي الدنيا بتمطر راح نازل من الباب التاني


ـــــــــــــــــــــــــــــــ


عملوا
مسابقه للي يجيب أكبر قطه جابوا صعيدي وألماني وأمريكي الألماني دخل جاب
قطه 5 كيلو والأمريكي دخل جاب قطه 10 كيلو الصعيدي دخل ساعة ساعتين ثلاثة
ولسه مخرجش دخلوا يشوفوه لقوه ماسك فيل وقاعد يضرب فيه ويقوله هتنونو يعنى
هتنونو


ـــــــــــــــــــــــــــــــ


صعيدي دايخ في كل محلات الموبايل ومش لاقى طلبه وراح شركة نوكيا برضه مش لاقى طلبه عشان عايز موبايل بقرص


ـــــــــــــــــــــــــــــــ



صعايده
اشتروا تاكسي 7 راكب وجابوله سواق والـ 7 ركبوا مع السواق عشان ميسرقش
الإيراد والتاكسي مبيشتغلش استغربوا أوى راحوا سألوا أذكى واحد فيهم يعملوا
إيه آلهم غيروا السواق


ـــــــــــــــــــــــــــــــ


صعيدي دق في صدر أبنه مسمار عشان يعلقله البزازه


ـــــــــــــــــــــــــــــــ


صعيدي بيسأل صاحبه بيقوله إيه رأيك في تجارة المخدرات قاله تجارة عين شمس أحسن


ـــــــــــــــــــــــــــــــ


صعيدي أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة


ـــــــــــــــــــــــــــــــ


صعيدي بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني


ـــــــــــــــــــــــــــــــ


صعيدي صغير بيسأل أبوه بيقوله ليه ربنا خلق لنا الودان قاله عشان نعرف العمة هتجف لحد فين


ـــــــــــــــــــــــــــــــ


صعيدي واقف قدامه 5 شياطين 1 بيوسوسله و 4 بيفهموه


ـــــــــــــــــــــــــــــــ


صعيدي راح البحريين خد معاه مايوهيين


ـــــــــــــــــــــــــــــــ


اتنين صعايدة راكبين موتوسيكل موتو بعض عشان كانوا بيتخانقو علي مين يقعد جنب الشباك


ـــــــــــــــــــــــــــــــ


اتنين صعايدة بيلعبوا شطرنج فواحد بيقول للثاني أنا قتلتلك الحصان الثاني قاله طب ثانيه واحدة لما رجع قاله وأنا سممتلك كل بهايمك


ـــــــــــــــــــــــــــــــ


صعيدي قتل أبوه عشان يحلف برحمته


ـــــــــــــــــــــــــــــــ


صعيدي ماشي ورا واحده بيعاكسها فبتقوله أمشى عشان بابا جاي ورايا


قالها قوليله أن أنا أخوكي


ـــــــــــــــــــــــــــــــ


صعيدي نزل في محطة الرمل رجله غرزت


ـــــــــــــــــــــــــــــــ


تلاتة صعايدة بيسرقوا بنك واحد بيسرق وواحد بيراقب وواحد بيبلغ البوليس


ـــــــــــــــــــــــــــــــ


صعيدي دخل صيدلية بيقول للدكتور عندك فيتامينات حديد الدكتور قاله أيوه عندي قاله أديني سيخين


ـــــــــــــــــــــــــــــــ

ههههههههههههههههههههههههههههههههههههههههههههههههههههههه طبعا مع كاامل احترامنا للصعايدة دول أحسن ناس