حوار مع الشوق

همس لى الشوق

وقال فينك ياذوق

قلت أبعد عنى انا ياما

سهرت الليالى ومنك محروق

طول عمرك كاوينى بنارك

ونفسى منك اافوق

تدينى بريق أمل أشوف الحبيب وااروق

ابنى فى امالى واحلامى

وارسم طريق اللقا

وامسك بالطوق

واقول خلاص نارك هتنطفى ياشوق


وبنظرة من حبيبى هيروح الالم والسهاد

لكن ياحسره يطلع حلم وبسرعه منه اافوق

يرد ويقول...

انا سفير وعايزك من الفرحة تطير

تسعد بلقا حبيبك

بين الزهور ....وزقزقة العصافير

والكروان يغرد ..واغنية حلوه تسمعها عبر الاثير
اقول...

بلاش ياسفير تعلقنى بأمل وتتركنى أسير

قاسيت منك كتير كتير

هتفضل طول عمرك انت الشوق

وأفضل انا الأسير؟؟