الالتهابات المهبليه .. !!

                                             انا عارفه ان معظمنا وان مكنش كلنا بيحصلنا التهابات
                                                  مهبليه وممكن اكتر من مره فى الشهر

           هو فى أكتر من نوع من الالتهابات المهبليه لكن اللى أكثر شيوعا نوعين

                                                         أولا,الالتهابات الفطريه


 ايه سببها؟
فطر اسمه المونيليا
بيتنقل ازاى؟

1جنسيا اذا كان احد الطرفين مصاب
2 عن طريق الفوط الصحيه او مقعد التواليت
ايه اللى يشجع الفطر ده انه يتنقل لنا؟
الفطر ده لو ملقاش البيئه المناسبه للدخول عمره ما هيدخل
لكن فى حاجات بتشجعه زى ايه؟

1الحمل عشان بتبقى حموضة المهبل عاليه وهو بيحب يعيش
فى الوسط الحامضى
2 الاصابه بمرض السكر لا قدر الله
3 حبوب منع الحمل
4العلاج بالكورتيزون لفتره طويله لان ده بيضعف المناعه
5 تناول المضادات الحيويه لفتره طويله
6 رطوبه زايده عشان كده لازم تنشفى المكان ده بعد كل مره
تدخلى فيها التواليت
7 نقص المناعه

                                      طيب اذاى نعرف ان الالتهابات اللى عندنا دى فطريه؟


1 ميعادها
غالبا قبل البريود على طول
اعراضها؟
هرش وحرقان
افرازات بتكون سميكه ,بيضاء مجبنه ,ريحتها مش وحشه
كميتها قليله

                                                                طيب اذاى نعالجها؟


1 طبعا نتجنب الحاجات اللى بتشجع دخول الفطر زى مثلا
لو عندك مرض السكر تضبطى نسبته

2 فيه اشكال كتير من الادويه ممكن ناخدها بس
من افضل الحاجات امريزول ان لبوس مهبلى وطبعا ده للمتزوجات فقط
وفيه canesten كريم وفى diflucan 150 mgودى كبسوله واحده بس


       طيب فى ناس الالتهابات دى بتستمر معاها حتى مع العلاج
وبتكرر كتير
فى الحاله دى يبقى العلاج كالتالى


1 الاهتمام بالنظافه الشخصيه جدا

2 نظبط نسبة السكر

3 ناخد علاج مكثف يعنى عن طريق الفم وموضعى فى نفس الوقت

4 نعالج الشريك كمان

5 توقفى حبوب منع الحمل خالص

6 تلبسى ملابس داخليه قطن وفضفاضه بلاش الضيقه