كلمات قصيدة البتاع الشهيرة للشاعر احمد فؤاد نجم كاملة

يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول !
وبعد فتح البتاع
جابوا الهواالمنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفرحزين مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

Smile

» حصريات هيبس جروب كلمات قصيدة انا اخوان لهويس الشعر العربى هشام الجخ كاملة
» ايوة بغير - قصيدة للشاعر هشام الجخ حصريا فى هيبس جروب
» حصرى على هيبس اروع ما كتب احمد فؤاد نجم
» مقطع بلوتوث جامد لأجمد فؤاد نجم و هو يتحدث عن احمد عز...شوف بيقول ايه
» هنا وبس :: اجرأ حلقة من برنامج سمر والرجال مع احمد فؤاد نجم...مباشر اون لاين